شن وائل جمعة مدافع الأهلي ومنتخب مصر السابق هجوما على لاعبي القلعة الحمراء بين شوطي مباراة صن داونز.

وتأخر الأهلي بثلاثة أهداف مقابل هدف في مباراة صن داونز في دور المجموعات ببطولة دوري ابطال افريقيا.

وقال جمعة في تصريحاته بين شوطي المباراة "الدفاع وحارس المرمى كان عليهم دور كبير في المباراة ويكون في تواصل بينهم وبين بعض، النتيجة منطقية على كم الاخطاء الي تم ارتكابها، مش عاوز اقول كلمة هقول عدم الاهتمام من اللاعبين بالتفاصيل الصغيرة".

وتابع "لقطة الهدف الأول اتكررت في مباراة الذهاب، كل لاعبي الأهلي بيتفرجوا، ولا حارس بيوجه ولا حتى المدافعين، محدش بيتكلم".

وأضاف "اللعيبة تتحمل جزء كبير، التواصل بين الشناوي وبين زميله مش محتاجة مدرب، محدش بيتكلم مع حد، واخطاء كان ممكن يتم تلافيها، في جزء بدني واضح ان اللعيبة مش مركزة".

وواصل "لما تكون تعبان بتفقد تركيزك، وفي كورتين على الشناوي لو انت مش شايف الكورة حاول تعمل اي رد فعل، مش ممكن يعني".

وأختتم وائل جمعة تصريحاته "الـ 3 اهداف غلطات بسبب عدم الكلام مع اللاعبين، الشناوي لو زعق في المدافعين في الهدف الأول كان اتمنع، وكان الهدف الثاني اتكشف تسلل، الكرة في الهدف الثالث بعيدة جدا جدا ويتحملها الشناوي، كل لعيبة الأهلي بتتفرج".