كشف أحمد شوبير الإعلامي
بقنوات أون تايم سبورتس عن تفاصيل جديدة خاصة ببناء ستاد النادي الأهلي وموعد
توقيع العقود مع الشركة الألمانية من أجل البدء في عملية البناء.
وقال شوبير خلال حديثه عبر
إذاعة أون سبورت: "الأهلي منتظر موافقة وزارة الشباب والرياضة على التراخيص
علشان يبدأوا في بناء ستاد الأهلي في الشيخ زايد".
وأضاف: "أول ما الأهلي
هيستلم ملف التراخيص هيوقع العقود رسميا مع واحدة من شركات التأمين الألمانية
الكبيرة جدا اسمها موجود على ستاد بايرن ميونخ ويوفنتوس 6 مليار جنيه اسمهم هيبقى
على ستاد النادي الأهلي لمدة 20 سنة".
وأكمل: "عاوز اقولكم
معلومة مهمة جدا الاتفاق بين النادي الأهلي والشركة دي كان من سنتين أكتر من مسئول
ألماني جه مصر وقعدوا في جلسة مع الكابتن محمود الخطيب وكان فيها الدكتور سعد شلبي
والسيد العامري فاروق والمهندس خالد مرتجي والدكتور محمد سراج وكانوا وصلوا تقريبا
لشبه اتفاق الكورونا جت وأجلت كل الأمور".
وواصل: "بعد كدة شركة
الأهلي للخدمات بالاتفاق مع الشركة المتحدة المسوق الحصري للنادي الأهلي علشان
يوقعوا العقود اللي خلال شهر ونصف هتكون منتهية من جميع الأمور في تعاقد تاريخي
ليس للأهلي ولكن للكرة المصرية المبلغ حوالي 6 مليار الأهلي هياخد أكتر من اللي
حصل عليه يوفنتوس الإيطالي".
وأتم شوبير حديثه: "اللي
هيبني الاستاد بنسبة تتخطى 90% شركة وطنية كبيرة والاستاد هيكون على الطراز
الإنجليزي ده اللي استقرت عليه شركة الإنشاءات خدت 5 تصميمات كبيرة من شركات ضخمة
جدا في مجال بناء الاستادات هيبقى حدث كبير جدا وعظيم".