شوبير يكشف عن تعاقد الأهلي مع مهاجم أجنبي واقتراب آخرين.. وأول الراحلين



كشف أحمد شوبير الإعلامي بقنوات أون تايم سبورتس عن حسم النادي الأهلي تعاقده مع مهاجم أجنبي لتدعيم صفوف الفريق الأول لكرة القدم بالنادي في الموسم المقبل.

وقال شوبير خلال حديثه عبر إذاعة أون سبورت: " الأهلي بيجيب قلب دفاع وظهير أيسر ولاعب وسط مدافع وخلص، بيجيب جناح أيمن وجناح أيسر ومهاجم".

وأضاف: "بالنسبة لمركز حراسة المرمى أرى أن الأهلي لا يحتاج ما يدعو لشراء حارس، هل الـ 3 حراس لما ظهروا بمظهر رائع حد منهم هيبقى تالت ولا الأفضل له أنه يتحرك برة؟.. حتى لو حد اتحرك برة هيبقى عندك اتنين حراس كويسين فأنت مش محتاج تشتري، هتصعد حمزة علاء والدنيا هتظبط بهذه الطريقة اتصور الأهلي محتاج يعيد حساباته على حتة حراسة المرمى".

وأكمل: "المؤكد الأهلي عنده مكانين لثنائي أجنبي،  ميكيسوني ماشي ماشي ده مفيش فيه فصال هيتم اعارته او هيتباع، الأهلي عنده مكانين بيحاول يخليهم 3، ازاي؟ إما بيرسي تاو يجيب عقد أو يبحث عن عرض وده وارد كلام".

وأردف شوبير: "الأهلي خلص لاعب أجنبي مهاجم، معنديش اسمه ولا جنسيته لكن عندي المعلومة أن الأهلي خلص مهاجم أجنبي كويس".

وأتم أحمد شوبير حديثه: "الأهلي بيتفاوض مع اتنين لعيبة أجانب بس هيأخر خالص ومش هيعلن  لحد ما ينهي القصة اللي عنده ويخلص قصة بيرسي تاو وميكيسوني".

استطلاع الراى


ما رأيك في تطبيق الأهلي دوت كوم الجديد؟
الدوري العام - 2023

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا