أعلن محمود الخطيب، رئيس مجلس إدارة النادي الأهلي رفض العفو عن رمضان صبحي وحسام عاشور، ثنائي المارد الأحمر السابق.
وقال الخطيب في تصريحات عبر قناة أون تايم سبورتس:" (زعلت من رمضان صبحي ؟ زعلت عليه، هو وغيره، لاعب كويس ولكن الأهلي فضله عليه وعلى غيره) ".
وأضاف:" (الاهلي عمل حاجات كتير جدًا عشان رمضان صبحي يبقى موجود معانا، لكن في اخر لحظة ميبقاش موجود !! خلاص هو حر ربنا يوفقه، الأهلي مبيوقفش على حد) ".
وتابع:" (بعد ربنا، الأهلي هو اللي بيصنع النجوم، منهم أنا لو كنت بعتبر نفسي نجم، والأهلي مبيزعلش على حد، اللي يزعل هو اللي يسيب الأهلي) ".
وعن العفو عن رمضان صبحي وحسام عاشور، قال الخطيب:" (اللي يغلط في حق النادي الاهلي مقدرش أقبل ده، مقدرش اقبله، الأهلي أهم مني ولازم نحافظ على المنظومة دي) ".
وأتم الخطيب تصريحاته بلهجة ظهر فيها الغضب، قائلًا:" (الأهلي هو اللي يصنع النجوم والاسماء، الاهلي مينفعش حد ميقدرش قيمته، وفي الاخر يبقى طبيعي، لو عملنا كده خلاص بقى كلها تسيب مننا) ".
يُذكر أن رمضان صبحي كان أخطر الأهلي برغبته في الانتقال إلى بيراميدز بعد جولة طويلة من المفاوضات مع ناديه الإنجليزي هيدرسفيلد تاون، فيما غادر حسام عاشور، لاعب الاتحاد السكندري حاليًا النادي بطريقة غير لائقة، معلنًا رفضه الاعتزال.