وجه أيمن شوقي، مقدم الاستديو التحليلي عبر شاشة قناة الأهلي رسالة عنيفة لمن أساء لجماهير القلعة الحمراء، خلال احتفالاته بانتصار فريقه.

وقال شوقي في تصريحات قبل لقاء الأهلي وأسوان :" (مبحبش أعمل الصغيرين أبطال أو كبار، لأن الصغير هيفضل صغير بتصرفاته والقزم هيفضل قزم بتصرفاته) ".

وأضاف :"التعبير عن الفرحة بالإساءة للآخرين لم تكن أبدًا عادة لاعبي الأهلي، (عمرها ما بتحصل من لاعيبة الأهلي على مدار السنين كلها رغم حجم بطولات النادي. عمرنا في حياتنا ما شوفنا لاعيب بيغني مع جمهور بيسيء للنادي التاني) ".

وتابع :" (عاوز أقول لجمهور الأهلي متزعلش من حاجة زي كده.. هتزعل من أقزام ؟ ما انت اللي بتكبره، لو اتكلمت عنه هتكبره. متكبروش ومتتكلمش عنه. تجاهله تمامًا) ".

وواصل شوقي :" (في علم النفس أحيانا لما الواحد بتحصله صدمة -واللي حصل صدمة- مبيكونش مصدق الواقع اللي هو فيه. عاوز يعمل انكار للواقع ده. فهو مش مصدق اللي حصل، فبيحصل خلل نفسي أو خلل عقلي يخليه يسيء للناس 100 مرة) ".

وأكمل لاعب الأهلي السابق :"هذا الخلل يؤثر على سلوكيات اللاعب (اللي كل مرة بنقول دي اخر مرة وللأسف بتبقى أسوأ من اللي قبلها) ".

وأتم أيمن شوقي قائلًا :" (مش عاوز أكبره ومش عاوز جمهور الأهلي يتكلم كتير في الموضوع ده. إحنا جمهور الأهلي الكبير والعظيم. وهو قزم وهيفضل قزم)".