أول رد من أحمد ناجي بعد تصريحات عصام الحضري



علق أحمد ناجي مدرب حراس مرمى النادي الأهلي ومنتخب مصر السابق وفريق سموحة حاليًا على التصريحات التي أدلى بها عصام الحضري حارس مرمى المنتخب الوطني.

وكان عصام الحضري قد قال أثناء تواجده في قناة أون تايم سبورت يوم السبت "انا جبت بطولات كتير لأحمد ناجي، وعملته بني آدم".

وقال ناجي تعليقًا على تصريح الحضري "أنا والحضري 15 سنة مع بعض، وكان بيحصل أكتر من كدة بكتير، والكلمة اللي قالها ميقصدش بيها الإساءة لشخصي".

وأضاف "أنا عارف الحضري كويس، هو بني آدم على طبيعته وبيقول حاجات أكتر من كدة بكتير جدا، وكنت مبسوط جدا وانا بتفرج على الحلقة، وهو اتصل بيا بعد ما خلص بـ 3 دقائق، أنا أكيد مش زعلان منه خالص".

وأردف ناجي "الحضري عمره ما خذلني في أي موقف احتاجتله فيه، التعامل ما بينا تعامل راقي جدا وطبعا كان عنده مشاكل كتير لما مشي من النادي الأهلي ووقفنا جنبه".

وأتم أحمد ناجي حديثه "أنا جبت الحضري بعد الدوري السعودي ما خلص واشتغلت معاه وجهزته 3 أشهر متواصلة استعدادا لكأس العالم، وبالفعل شارك وأصبح أكبر لاعب في التاريخ يشارك في المونديال".

استطلاع الراى


هل يحقق الأهلي لقب دوري أبطال أفريقيا؟
الدوري العام - 2021/2022

الفيديوهات الأكثر مشاهدة خلال شهر