وجه أسطورة كرة القدم بالنادي الأهلي ومنتخب مصر محمد أبو تريكة رسائل خاصة لمهاجم الفراعنة مصطفى محمد لاعب نادي ننت الفرنسي.
وقال تريكة في تصريحات على قنوات بي إن سبورت: "هو دايما يا محمد اللاعيب الملعب هو وسيلة الضغط ،شوفنا صلاح مع ليفربول كل ما كان بيقدم مستوي كبير كل ما كان بيضغط على النادي فـاللاعيب عنده ورقة مهمة كل ما تتيحلك الفرصة في الملعب اثبت نفسك".
وتابع: "زي ما حصل في الماتشات الاخيرة استعاد تركيزه نوعا ما هو من نوعيات اللاعيبة مبيحبش يقعد احتياطي ، حتي في المنتخب عندنا لما بيخرج بيتنرفز هو نوعية من الشخصيات دي اي لاعيب كرة عاوز يلعب فهو معندوش سيطرة في بعض الاحيان علي اعصابه ".
وأضاف: "ماهو مبيحيبش يتغير عندنا في المنتخب كان عامل مشكلة مع كابتن حسام فهو عصبية عنده لازم يحلها ويلاقيلها حل ، ده قرار المدرب والمدرب مدرب واللاعيب لاعيب ، هو لاعيب عنده امكانيات كبيرة لما بيبقي مركز ولما رجليه بتبقي في الملعب علي طول فـ الاحصائيات اللي احنا شوفناها خمس اهداف وتمريرة واحدة حاسمة".
وأكمل: "مقارنة بالموسم الماضي هو كان افضل من كده لأنه كان مركز والدوافع بتاعته كبيرة انا مش ملم اوي بالمواضيع بتاعته الخارجية هذا الموسم في بعض الاحيان ، لكن لما بيكون في حالته الطبيعية وفي الجاهزية هو مهاجم تبني عليه فهو عاوز يبحث عن اللعب باستمرار".
وأردف: "دايما انا بحب اللاعيب يبقي محترف ركز وشوف ايه السبليات وحاول تقعد مع مدربك وشوف هو عاوز يعمل ايه، ولو انت في بعض الاحيان بتبقي خارج التركيز مبتنفذش معلوماته لكن عليك الاستمرار وتتشبث".
واختتم: "لازم يبقى مركز علشان ده المستوى العالي اللي محتاجينك فيه كمنتخب احنا عندنا ارتباطات كبيرة بطولات كبيرة وهو من العناصر الاساسية اللي ممكن يبني عليها الفريق ككل في منتخب مصر".