تحدث عضو مجلس إدارة النادي الأهلي محمد الدماطي عبر قناة إم بي سي مصر عن الأموال التي تدخل للنادي وأزمة الدولار والفائض المصري.
وقال محمد الدامطي:" الأرقام معلنة وكلها في اإاطار المنطقي يعني ، المفروض الناس تبقي فرحانه بالنادي الأهلي ، طبعا مش الجمهور المنافس بتكلم علي الجمهور بتاعنا يعني ، الأهلي بيجيب الموارد منين؟".
وتابع:" البوست الي انا كتبته بالذات عشان انا في مرة كنت مع كابتن شوبير قولت اننا عندنا عجز في الدولار ومكنش في عجز في السيولة كان بس في مشكلة في قصة تغيير الدولار بعد المكافات الي جت والمكافات الي جاية انا كنت برد في البوست دة عشان كان دايمًا في مشكلة ان الكلميتن الي قولتهم الحق وحتي عضو مجلس ادارة بيقول ان فيه مشكلة".
وأضاف:" ايوة عندنا فائض بالمصري وكل حاجة والأرقام موجودة واحنا مش نادي خاص احنا نادي بيراقب من وزارة الشباب والجهاز المركزي للمحاسبات وجمعية عمومية بتحاسبنا مفيش حاجة ينفع انها تبقي مش ماشية بالمسطرة زي ما بيقولوا ، انت لما كنت بتكسب بطولة افريقيا وبتلعب في كأس العالم القديمة كنت ماشي في رينج 6-8 مليون دولار".
وأكمل:" عندنا النسخة الجديدة الفيفا أعلن المكافات حوالي 9.5 مليون دولار ودي نتيجة مجهود شركة الكرة والطفرة الي حصلت في الميزانية بتاعت النادي مش عاوزين نبخس الشغل الي حصل في السبع سنين الي فاتوا".