تحدث الإعلامي أحمد شوبير عبر قناة النادي الأهلي عن نجاح القلعة الحمراء وإنشاء العديد من الفروع خلال السنوات الماضية.

وقال شوبير:" المظلومية طول الوقت ، يا عم في اية دي كورة ، هدف بطولة كأس دوري ، لا حكم الإعلام الوكالة طول الوقت شغالين علي كدة خلصنا من المظلومية والدنيا تمام التمام ومشيت الاهرام وجي الباقي والأهلي منور تختلف الأسماء تختلف المسميات تخلف الشركات والأهلي هو الأعلى قيمة تسويقية لأن الأرقام بتتحدث".

وأضاف:" هو أنا بجيب منين الأرقام المحلية بتتحدث الإفريقية بتتحدث العالمية بتتحدث بالتالي بيجي راعي لأن انا مذاكر وانا ذاكرت فعرفت لما اذاكر واجيب أعلي الدرجات هبقي متفوق هبقي مرغوب ، بردو يطلعلك يقولك اية تصدق اللاعيبة بتفضل الأهلي للمنتخب بيقولك ينضموا للأهلي مينضموش للمنتخب دة جديدة دي؟".

وتابع:" يقولك الأهلي بقي أقوى من المنتخب ، الأهلي هو الرافد الأول للمنتخبات الوطنية واعدلك الأسماء في الكرة والسباحة والكراتية وكل الألعاب واعدلك كله ، المنتخب الي لسة متاهل رايح كأس العالم الي جايب هدف التاهل حمزة عبد الكريم لاعب الهلي و في 7-8 لاعيبة موجودين منتخب اليد والفولي والباسكت وكله انت مش متابع بتاعتك مشكلتك مش مشكلتي انا لو مش قادر تفهم ان الأهلي بني 3 فروع بدئها في مدينة نصر".

واكمل:" الله يرحمه سيادة الفريق مرتجي حط ايده في ايد الكابتن عبده صالح الوحش الله يرحمه لما بقي رئيس النادي قوموا الفرع في مدينة نصر وبعديه جيه الكابتن صالح سليم بعد الكابتن عبده خلي الفرع فرع ثم بعد الكابتن صالح سليم جيه الكابتن حسن حمدي وجاءت فكرة الأهلي في الشيخ زايد وخدوا الارض وبدأو البنا تمام التمام والدنيا مشيت بعدين جة مجلس المهندس محمود طاهر فكمل على البنا بتاع كابتن حسن حمدي فطلع المبني بسم الله ما شاء الله وعمل نجاح كبير جدا ، ظهر أهلي مدينة نصر ثم ظهر أهلي الشيخ زايد مشي المهندس محمود طاهر قبل ما يمشي جاب الأرض بتاعت فرع التجمع".

وأستكمل شوبير حديثه:" لما جيه الكابتن محمود الخطيب كمل فرع التجمع وكمل الصرح بقي عندك اهلي مدينة نصر والتجمع والشيخ زايد والجزيرة كل دي فروع بإشتراكات بفلوس بخدمات ، عارف لية اصلك مش واخد بالك دول ذاكروا  كل دول رؤساء الأهلي مجاش حد شتم في من قبله والي بعده.