فتح الإعلامي أحمد شوبير حارس مرمى الأهلي السابق ومنتخب مصر النار على العقليات غير السوية في البيئة الرياضية الحالية وطالب بالكشف على القوى العقلية للمرشحين لإدارة الأندية.

وقال أحمد شوبير في برنامج "حارس الأهلي" على قناة الأهلي: "الأهلي محدش يعرف يخرج عن النص اللي فيه بيتربوا على الأدب واللي بيجيه بيدخل في منظومة الأدب والي بيخرج منه بتلاقيه يخرج بلا رجعة ولا عودة مينفعش يكمل مع النادي الأهلي ايا كان اسمه او مستواه الأهلي لا يتوقف على أحد"

وأكد شوبير: "فيه حد عاوز يجرجر الأهلي بإدارته وإعلامه ولعيبته ومسئوليه لمعارك وهمية «خايبة» زيه مبيعرفش يعمل ده، قاله يابا علمني الخيابه قاله تعالى في الهايفة واتصدر فيه خيابه بالويبه بعيد عنك العبط اللي شغال فيه شوية عبط مالهمش حل".

وأضاف: "العبط اللي شغال، بأشوفهم واقعد اضحك واحد قاعد لا عارف هو فين ولا بيتكلم عن مين ولا بيقول ايه هو تايه

وواحد تاني قاعد مفكر نفسه نجم النجوم والعظيم والحدوتة والحياة هتتوقف من غيره وده اصلا لا محل له من الإعراب"

وتابع: "لي طلب من الناس اللي بتحط اللوائح الوزارة أو غيرها من فضلكم باتكلم بجد مش بهزر، لما تيجوا تحطوا اللوائح حطوا منها الكشف الطبي على علقية المرشحين نضمن مجالس الإدارات سوية، مينفعش حد «تراللي» يطلع يتكلم ويبقى مشكلة نكشف على كل المرشحين وتبقى الناس متأكدة من اللي بيديرها عاقل وعنده من العقل ما يكفي".