كشف السويسري مارسيل كولر المدير الفني للفريق الأول لكرة القدم بالنادي الأهلي، المهام المحددة التي يطلبها من أنتوني موديست مهاجم الفريق.

وقال كولر بعد مباراة الأهلي وسيمبا: "موديست عمل مانش كويس وهو نازل لمهمات محددة وده أسباب اختياري له".

وأضاف: "هو كان محطة كويسة ومحطة دفاعية وفي الكور الطولية كويس وهو بيتحسن ماتش بعد ماتشوكان بيطلع ياخد الكورة من الأطراف كتير وكان بياخد الكورة العالية كلها".

وأكمل: "الشوط الأول الحركة كانت قليلة في نص الملعب ودة كان مخلي شكلنا وحش واتكلمت مع اللعيبة أننا نزود الحركة شوية".

واختتم كولر حديثه: "ممكن مع ضغط الماتشات ابدأ اغير وادي اللعيبة.. عندنا كل 3 أيام ماتش وهنحاول نتخطى الإرهاق وندي فرصة لناس تانية".

وتأهل المارد الأحمر إلى نصف نهائي دوري أبطال إفريقيا للمرة الـ 20 في تاريخه، بعد الفوز على سيمبا التنزاني ذهابًا وإيابًا.