تحدث محمد مجدي أفشة نجم الأهلي عقب هدفه القاتل في شباك سيراميكا والتي منحت الأهلي نقاط المباراة ليواصل انتصاراته في بطولة الدوري.وقال أفشة عبر قناة أون تايم سبورتس: " الحمد لله رب العالمين، مبروك للنادي الأهلي واللعيبة والجهاز، وكل اللعيبة، أهم حاجة التلات نقط، وده أهم حاجة، يعني الحمد لله ربنا كرمنا، أي حد يجيب أجوان، بس المهم الفرقة تاخد ثلاث نقط عشان مشوار الدوري لسة طويل يعني فالحمد لله أهم حاجة المكسب النهاردة".وأضاف أفشة: " مش بحب أتكلم عن الأرقام الفردية، كتير، أهم حاجة البطولات والحاجات الجماعية، لكن هي مهمة في. في تاريخك مهمة لاسمك، بعد كده، طبعا إنك تلعب 200 ماتش مع النادي الأهلي ده رقم كبير جدا، وتاريخ وأنا فخور بحاجة زي كده، دي حاجة تسعدني".وأوضح أفشة: "زي ما أنا قلت أنا واحد بحب النادي الأهلي من زمان، وعاشق لجمهور الأهلي سواء أي انتقاد أو أي حاجة حلوة، أنا بقبل كل حاجة، هي دي سنة الحياة هتبقى شوية وحش، وشوية حلو، ودي سنة الحياة زي ما الناس بتتكلم عليك كويس، هيجي وقت يتكلموا عليك وحش، هي دي سنة الحياة برضه، والحمد لله، وجمهور الأهلي طبعا دايما على دماغه دايما بحبهم، و بقابلهم في الشارع أتعامل معاهم كلهم، وكلنا أخوات، ودي أهم حاجة يعني".