تحدث أحمد شوبير عن إصابة امام عاشور خلال مواجهة الأهلي والإسماعيلي ببطولة الدوري المصري والتي خرج على أثرها لإجراء أشعة أثبتت إصابته بكدمة في أسفل الساق.

وقال شوبير عبر برنامجه الإذاعي: " طيب دلوقتي لما بيحصل عندنا بقى إنه حد يي يتصاب وأقصد بالتحديد مثلا إمام عاشور، إمام خاف إمبارح لما جاتله الإصابة، فالولد قعد يعيط، خايف إن رجل يكون فيها حاجة".

وأضاف شوبير: "فوجئت الحقيقة بحاجتين، والإتنين أسوأ من بعض، الأولى آ الحق إمام جاله رباط صليبي، الحق، جاله كسر في رجله، ماشي هنقولها تحت بند الاجتهاد".

وتابع شوبير: " شوية بقى والدعوات ضد امام عاشور، امام راح الأهلي لعب في الزمالك راح في أي حتة؟ ما خلاص في إيه؟ ، يا جماعة إللي حصل لنا بجد، والله أنا مستغرب جدا إيه كم الغل اللي موجود عند البعض ده".

وأشار شوبير: "إحنا بقى عندنا شوية غل بيقولك أصل ده تحفيل، ده ملوش علاقة ب التحفيل دي قلة أدب على طول كده بوضوح، هي ملهاش حل، غير إن دي قلة أدب، لما حد يدعي على حد طب تخيل لا قدر الله لو أن هذا الأمر حصل لك في ابنك في حد عزيز عليك؟ ، أنا مذهول بشكل يخض من اللي بيحصل ده يعني".

وكشف طبيب الأهلي أحمد جاب الله عن تفاصيل إصابة إمام عاشور نجم الأهلي مشيرا بأن اللاعب تعرض لكدمة قوية في أسفل الساق خلال مواجهة الإسماعيلي في بطولة الدوري ومن المقرر أن يغيب عن الفريق من الفترة 7-10 أيام وبدأ في تلقي العلاج على الفور عقب نهاية المباراة.

وغادر امام عاشور منتصف الشوط الأول من لقاء الإسماعيلي باكيا بسبب الإصابة التي تعرض لها خلال تدخل في منتصف الملعب.