واصل أحمد شوبير انتقاده لأسلوب العمل داخل رابطة أندية الدوري المصري مشيرا بأن أحمد دياب ظهر مع سيف زاهر ليعلن عن قرارات وفي نفس الوقت ظهر عامر حسين معلنا قرارات أخرى وتسائل عن سبب عدم انعقاد أي اجتماعات للرابطة وإصدار القرارات بشكل رسمي.

وقال شوبير عبر إذاعة أون سبورت اف ام: " اللي عمله وسيف زاهر كإعلام 10/10، أنا بتكلم عن المسئول، واحد قالك القرعة 11 والتاني قالك القرعة 12 وواحد قالك الدوري 18، وواحد قالك الدوري 20  يا جماعة ما تخلصونا".

وأضاف شوبير بأنه كان على الرابطة إعلان مواعيد رسمية لقرعة الدوري وبداية البطولة دون احداث "لخبطة" بسبب التصريحات المتضاربة.

وأشار شوبير بأنه طالب بضرورة وجود مساعدة من مجموعة من الشباب مع عامر حسين في إدارة المسابقات وعلى حد قوله: " أنا عايز إدارة مسابقات برئاسة عامر حسين الناس تزعل ليه؟ أنا عايز مجموعة من الشباب، تعاون الراجل وتشتغل مع الراجل ، هو لازم الدنيا كده يبقى في إدارات، لكنه قصة "الون مان شو" دي مش حلوة مش لصالح حد يا جماعة، والله ما لصالح حد خالص على الإطلاق يعني".

وتابع شوبير تصريحاته بأنه يريد من رابطة الأندية قرارات رسمية بشأن بداية الدوري والقرعة وجدول البطولة ونظامها في الموسم الجديد " هو ده الشغل الصح، لكن شكل درع الدوري بنجمتين بثلاث نجمات مقلوب معدول ما يفرقش معايا،أنا هعمل بيه ايه يعني في النهاية هيستلم الدرع".

وأوضح شوبير: "اشتغلوا مؤسسي إنتوا ليه مش عايزين تشتغلوا مؤسسي انت مش عندك رابطة؟ وعملتلها اجتماعات؟ وليه برامج للرد على كلمتين بنقولهم مش محتاجة إنك تطلعلي برامج وترد، بقول لك تاني سيف زاهر اللي عمله هايل عمل الشغل بتاعه مليون في الميه صح أنا بتكلم في طريقة الإدارة نفسها".

واختتم شوبير تصريحاته: " والله يا عم ما كده أنا عايزك أحسن واحد في الدنيا، وأنا بعمل شغل أنا كمان وهاعمل شغلي صح يعني مش هاعرف أعمل شغل غلط يعني".