تحدث حازم إمام عضو مجلس إدارة الاتحاد المصري لكرة القدم، عن قضية أحمد رفعت لاعب فيوتشر، الذي أقر الاتحاد الإفريقي لكرة القدم (كاف) بعدم قانونية مشاركته في بطولة الكونفدرالية.

وقال حازم إمام خلال حديثه عبر إذاعة أون سبورت: "بالنسبة لموضوع فيوتشر وبيراميدز ناس قالوا اتحاد الكرة يتلاعب، لو تلاعب كان فيوتشر اتوقف سنة او اتنين".

وأضاف: "اتحاد الكرة ماله بالقيد؟ اتحاد الكرة اللي عنده ان اللاعب ده اتقيد عنده في القيد بتاعه ده بس اللي بيعمله لكن مش بيبعت للكاف ولا لأي جهة النادي هو اللي بيبعت".

 وأكمل: "الناس مع احترامي بتتكلم وهي مش فاهمة، اللاعب رجع قيدوه في القايمة قبل يوم 31 اتحاد الكرة اللي عنده ان اللاعب ده دخل قبل يوم 31/12 لكن ملوش علاقة بالقيد الافريقي اتحاد الكرة ماله؟".

وأتم حازم إمام حديثه: "قالك اتحاد الكرة بيعمل كذا وكذا طب يا حبيبي العقوبة طلعت ومفيش أي لوم على اتحاد الكرة بس انت عاوز تحط اتحاد الكرة في جملة مفيدة هما مقالوش حاجة بس هنا هتلاقي كل واحد بينتقد بينتقد الإنتقاد كويس بس بشويش وبالراحة".