تحدث محمد الشناوي قائد الفريق الأول لكرة القدم بالنادي الأهلي بعد الفوز الذي حققه الفريق على حساب الزمالك ضمن منافسات بطولة الدوري الممتاز.
وحقق الأهلي الفوز على الزمالك بثلاثة أهداف دون رد في المباراة التي جمعت بينهما مساء اليوم السبت ضمن منافسات الأسبوع الرابع عشر ببطولة الدوري الممتاز.
وقال الشناوي بعد المباراة خلال حديثه عبر قناة أون تايم سبورتس: "الحمد لله مبروك للعيبة وبقول للجمهور يفرح اللعيبة كانوا رجالة كنا مركزين في الماتش بشكل كبير وحضرناله بشكل كويس وبقولهم انتوا لعيبة رجالة ونفذتوا تعليمات الجهاز الفني بقول للجمهور والجهاز الفني والادارة مبروك".
وأضاف: "احنا كلنا واحد كبير وصغير كلنا واحد مفيش حد كبير كلنا لعيبة واحدة بنحترم بعض اهم حاجة الاحترام كل واحد بيقدم اللي عليه في الملعب اهم حاجة التركيز بقالنا فترة مركزين وعندنا ماتشات قوية الفترة الجاية ومركزين في الدوري السنادي بشكل كويس جدا".
وأتم الشناوي حديثه: "الناس شايفة روح اللعيبة في الملعب عاملة ازاي، روح عالية جدا، ودي حاجة كانت ناقصانا لفترة كبيرة، لكن الحمد لله لعيبة عارفة هي بتعمل ايه في الملعب".