كشف السويسري مارسيل كولر المدير الفني للفريق الأول لكرة القدم بالنادي الأهلي سبب قراراه باستبدال شادي حسين لاعب الفريق في مباراة بيراميدز بالدوري الممتاز.

وحقق الفريق الأحمر الفوز على بيراميدز بثلاثة أهداف دون رد في المباراة التي جمعت بينهما مساء اليوم الإثنين ضمن منافسات الجولة الحادية عشرة من بطولة الدوري الممتاز.

وقال مارسيل كولر في المؤتمر الصحفي بعد نهاية المباراة: "بين الشوطين حسيت ان شادي ممكن يكون مش قادر علشان كدة غيرته".

وأضاف: "وشريف كان على قد الحدث ولعب زي ما انا كنت عاوز بالظبط وكان بينزل يدافع كمان ويمسك نمرة 7 عندهم (بلاتي توريه) وده خلى خطورتهم تنتهي تماما وساعدنا اننا نخلق هجمات مرتدة سريعة وكنا ممكن نجيب اهداف اكتر من كدة كمان".

وانتقل كولر للحديث عن التدوير في التشكيل، وقال: "التدوير بيبقى الغرض منه اراحة اللعيبة مع الماتشات المتلاحقة علشان عاوز احافظ على الفريق قدر الامكان.. بنضطر نعمل تغيير علشان نستمر باللعيبة وميحصلش اصابات".

وأتم كولر: "ضغط الماتشات مع الكورة اللي بنلعبها اللي فيها ضغط عالي وجري كتير ممكن يتسبب في اصابات كتير لكن مقدرش اقول هنثبت التشكيل ولا هنغيره".