تحدث محمد الشناوي حارس مرمى الفريق الأول لكرة القدم بالنادي الأهلي في المؤتمر الصحفي الذي عقد ظهر اليوم الخميس عن مباراة الزمالك في السوبر المصري.
ومن المقرر أن يلتقي الأهلي والزمالك غدًا الجمعة على ستاد هزاع بن زايد في مدينة العين الإماراتية في مباراة السوبر المصري للموسم الماضي.
وقال الشناوي في المؤتمر الصحفي: "في البداية أشكر دولة الامارات على الاستضافة وحفاوة الاستقبال، بالتأكيد المباراة ستكون قوية جدا مع منافس قوي جدا".
وأضاف: "الأهم أننا نلعب وسط جمهورنا.. بقالنا كتير ملعبناش مباراة فيها جمهور عدد كامل ان شاء الله تبقى مباراة قوية وتطلع بشكل كويس".
وبعد توجيه الصحفيين المتواجدين في المؤتمر أكثر من سؤال للشناوي عن خسارة الأهلي للقبي الدوري وكأس مصر في الموسم الماضي، رد قائد الأهلي بنبرة حاسمة: "تاني مرة يكلمونا على موضوع الكاس والدوري الناس ناسية اننا الفترة اللي فاتت واخدين افريقيا مرتين وواصلين كاس عالم مرتين مش عارف ازاي الناس بتنسى بسرعة".
وأكمل: "ممكن أي فريق في العالم يحصله انخفاض في المستوى..احنا عملنا فترة تأهيل كويسة جدا بقالنا 3 سنين مفيش فترة إعداد.. عملنا فترة إعداد كويسة جدا مع الجهاز الفني".
وواصل: "الناس نسيت ان النادي الأهلي كبير بتاريخه وبطولاته الناس كلها عارفة قيمة النادي الأهلي واحنا عارفين قيمته اتمنى الناس متنساش الحاجات دي الناس كلها بتتكلم على خسارة الكاس والدوري يا جماعة احنا واخدين الفترة اللي فاتت اكتر من 6 بطولات نفتكر الكلام ده".
واختتم الشناوي حديثه مؤكدًا على إن لاعبي الأهلي هدفهم الرئيسي هو تحقيق الفوز والتتويج باللقب من أجل إسعاد جماهير النادي في كل مكان، مشيرا إلي أن الجميع سيبذل قصارى جهده خلال المباراة غدا؛ من أجل الصعود لمنصة التتويج والحصول على كأس السوبر ليكون دفعة قوية للفريق في الموسم الحالي.