كشف مرتضى منصور رئيس مجلس إدارة نادي الزمالك عن وجود بعض العقبات التي تمنع ناديه من التعاقد مع أحد الصفقات (المهمة) على حد وصفه قبل ساعات من غلق باب القيد.
وقال مرتضى منصور في مقطع فيديو قام بنشره عبر قناته الرسمية على يوتيوب: "في صفقة البعض اتكلم عنها لازالت متعثرة.. متعثرة جدا للظروف اللي حاجزة على أرصدة النادي في البنوك والأندية خايفة دلوقتي تتعامل مع نادي الزمالك اللي كان كله بيجري علشان يتعامل معاه.. أنا حزين من اللي بيحصل لأن ده مش نادي الزمالك قولتلهم يوم الخميس هتشوفوا فضايح ممدوح عباس".
وأضاف: "عندنا صفقة المفروض نخلصها والصفقة دي أندية كتير بتجري وراها وأنا معطل الدنيا لكن عندنا مشكلة مع النادي بتاعه وعندنا مشكلة مع اتحاد الكرة بنحاول نحلها مع جمال علام وخالد الدرندلي ووليد العطار".
وأكمل: "ان شاء الله ادعوا ربنا يوفقنا ونخلص الصفقة دي لأنها صفقة مهمة وأنا عارف أن في أندية كتير بتجري وراها لكن الولد مصمم الساعة 11 بالثانية لو ربنا كرمنا هقولكم لو محصلش نصيب هقولكم".
وأتم مرتضى منصور حديثه: "كل ما يشاع مش حقيقي لأن عندنا عقبات بسبب الفلوس المحجوز عليها في النادي بنتعامل مع أندية من حقها تطمن على فلوسها.. انتظروني الساعة 11".