أكد البرتغالي ريكاردو سواريش المدير الفني للفريق الأول لكرة القدم بالنادي الأهلي أنه يعلم جيدًا الطريق الذي يجب أن يكون عليه الفريق الأحمر خلال الفترة المقبلة.
وقال سواريش في المؤتمر الصحفي بعد نهاية مباراة الأهلي والإسماعيلي: "عارفين الطريق اللي لازم ندخل فيه قطعنا خطوات في هذا الطريق وزي ما قولت في اخر مؤتمر صحفي حتى لو انا عليا بعض الاتهامات معنديش اي مشكلة انا مدرب لابد أني أكون جاهز للانتقادات دي".
وأضاف: "بالنسبالي أهم حاجة مستقبل النادي الأهلي بدل ما أفكر في نفسي شرحنا للناس ازاي قدرنا نرجع الموقف بتاعنا وماشيين على خطة مبنفكرش في أي مصلحة خاصة بيا ولكن بنفكر في مصلحة الأهلي لأن الأهلي فوق الجميع".
وأردف: "الحاجة الوحيدة اللي بتزعلني أن لسة مفيش مباريات كافية بفوز بيها علشان نسعد الجماهير ونهديهم الفوز ده ولكن أنا واثق كل الثقة أن ده أفضل طريق للنادي الأهلي".
وأتم ريكاردو سواريش حديثه: "اللي بوعد بيه الفترة الجاية ان يبقى في جدية واحترافية وطموح عالي بعد كدة المستقبل هيكون قدامكم والنتايج هي اللي هتحكم ودي كرة القدم وانا جاهز للحاجات دي".