علق أحمد بلال لاعب النادي الأهلي السابق والمحلل الفني حاليًا بقناة النادي الأهلي على قيام بعض من جماهير الإسماعيلي بالاعتداء على الحافلة الخاصة بجمهور النادي الأهلي.

وقال أحمد بلال خلال حديثه عبر قناة النادي الأهلي: "دي حاجة متمسكش نفسك عليها، دي حاجة منتهى قلة الأدب، الأهلي عملكم ايه؟ يعني ايه قيمة قلة الأدب دي ايه اللي بيحصل ده؟".

وأضاف: "حاجة غير أخلاقية مش كل جماهير الإسماعيلي عملت كدة وده جزء فاسد من بعض الناس وهما مسئولين عنه لكن لازم يبقى في عقاب بقالنا 10 سنين بنقول الجمهور ينفع الكلام ده وبعدين تزعلوا لما نقول الماتش يتلعب في حتة تانية".

وأكمل: "في النهاية متزعلوش لما يبقى في تصرف غير اخلاقي تعاقب عليه تزعل ليه بتسيب الأمور أو عاوز تفتحها فبتلاقي مشاكل كتير جدا من خلال جمهورك انت، جمهور الأهلي ماشي عمال تحدف عليه طوب وكسرت الازاز متعرفش حد اتعور ولا لا دي حاجة مينفعش يتسكت عليها".

وتابع: "مش كل حاجة هتعدي مرور الكرام.. هتعدي كل حاجة؟.. احنا مش ايدنا قصيرة بس بنحترم البلد والقانون وبنحترم نفسنا لكن نقدر ونعرف نقل أدبنا بس احنا متعودناش على كدة احنا اتعودنا على الاحترام".

وأتم أحمد بلال حديثه: "الطبيعي يكون في عقوبات غير عادية لأن الاعتداء ده أسوأ شئ في كرة القدم، الدوري الإنجليزي لما كان في اعتداءات ايه اللي حصل ودلوقتي ايه اللي بيحصل، لازم يكون في عقوبات رادعة".