هاجم الإعلامي أحمد شوبير، الاتحاد المصري لكرة القدم، ورئيس لجنة الحكام عصام عبد الفتاح، وطالب بمساوة في الجميع في القرارات.وقال شوبير خلال تصريحات عبر برنامجه الإذاعي عبر ردايو "أون سبورتس أف أم" :لازم يكون في نظام الموسم المقبل، مش كل مدرب يطلع يقول المنظومة، هي منظومة ضائعة، ولكن هما كمان مدربين ضايعين".وتابع: " بالتالي يجب وضع لوائح وقوانين نسير عليها، لازم اتحاد قوي، ومينفعش عضو مجلس إدارة في اتحاد الكرة يطلع يقول تفاصيل الجلسة على الملأ، لازم أحط نظام وأحمي المنظومة بتاعتي".وأضاف:"مينفعش أكتشف مرة واحدة إن نادي عليه مديونيات بملايين، والدنيا ماشية وبتعدي عشان على رأسه ريشة، ونادي تاني تقوله لا هتدفع وإلا هتطبق عليك اللوائح وهتتعاقب، ده نادي الرجاء في الدرجة الثانية هبط للدرجة الثالثة بسبب مديونية 300 ألف جنيه".واختتم شوبير تصريحاته بهجوم على رئيس لجنة الحكام:"الحكام مصرفوش بدلاتهم من امتى؟، لما بيكون عندهم مباراة خارج القاهرة بيروحوا ازاي؟ بيسافروا مع بعض بالقطر ولا بتقابلوا هناك.. أهم واحد في الملعب هو الحكم، وأكتر واحد بيساء ليه في المنظومة هو الحكم".