أجرى خالد مرتجي عضو مجلس إدارة النادي الأهلي اتصالا هاتفيًا بالسفير المصري في المغرب ياسر عثمان من أجل التدخل الفوري لحل أزمة مدرجات جماهير القلعة الحمراء في نهائي دوري ابطال افريقيا.

وفي بث مباشر لصفحة النادي الأهلي على فيس بوك، حضر وفد من النادي الأهلي يضم خالد مرتجي وحسام غالي عضوا مجلس إدارة القلعة الحمراء وأمير توفيق مدير التسويق إلى ملعب المباراة مبكرًا من أجل وضع بنرات خاصة بالنادي في مدرج التالتة يمين المخصص لجماهير الأهلي.

ورفض الأمن المغربي السماح لمسئولي الأهلي بوضع البنرات الخاصة بالنادي في مدرج التالتة يمين المخصص لجماهير القلعة الحمراء وهو ما أثار غضب وفد القلعة الحمراء.

وقال مرتجي في اتصاله الهاتفي مع السفير "انا في الاستاد وجينا نحط البانرات، الأمن قالنا الكاف ملهوش لازمة وهنعمل الي احنا عاوزينه والجمهور المغربي هيقعد هنا".

وتابع "الي بيحصل ده هيعمل مصيبة كبيرة يا افندم، وادوا تعليمات للأمن ان محدش يعلق حاجة من بنرات الأهلي".

وأضاف "احنا متفقين مع الكاف ان التالتة يمين كلها بتاعة جمهور الأهلي، ومفيش تداخل بين الجمهورين ، وجايبين بنرات نحطها في المدرجات علشان نملا بيها المدرج ومتفقين على كدة مع الكاف في الاجتماع الأمني".

وواصل "الأمن بيقول مالكوش مكان هنا ومكانكم بيتسع لـ 4 الاف واحد بس ومفيش مكان تاني ليكم، الأمن موقفنا ورافض نقف في المكان الخاص بجمهور الأهلي".

مختتمًا "كابتن الخطيب قالي اكلم سيادتك علشان لازم حد يتدخل، احنا بنصور كل ده لايف، كل الناس بتشتغل لحساب الوداد والأمن بيقولنا الكاف مالهوش لازمة".