كشف مرتضى منصور رئيس مجلس إدارة نادي الزمالك عن تفاصيل اجتماعه مع لاعبي الفريق الأول لكرة القدم بالنادي قبل مباراتهم في الدوري غدًا السبت أمام الإسماعيلي.

وقال مرتضى منصور في مقطع فيديو نشره عبر صفحته الرسمية على يوتيوب: اجتمعت مع اللاعبين قولتلهم انتوا رجالة تلعبوا في أي مكان، بكرة العبوا في ستاد القاهرة واعتبروا دي اخر مباراة".

وأضاف: "إذا لم يتم الاستجابة لطلبنا باللعب على إحدى الملاعب دي بترو سبورت، الدفاع الجوي "ملك المصريين" ملك الجيش المصري، عندنا المقاولين العرب".

وأكمل: "قولت للاعبين انتوا رجالة العبوا في اي مكان وبعدين قولتلهم مش خدتوا بطولة افريقيا قدام الرجاء في ستاد القاهرة، قولتلهم خلاص العبوا متخافوش واكسروا حاجز النحس اللي جواكم وبعد الماتش لينا كلام".

وأتم مرتضى منصور حديثه: "لو استمر اتحاد الكرة، ده اتحاد جمال علام واللي معروف جه ازاي، واستمرت رابطة أحمد دياب ومعروف جت ازاي، واستمرت لجنة الحكام بالطريقة دي، والمخرجين بتوع التلفزيون ميعيدوش اجوال الزمالك واخطاء الزمالك تتعاد 100 مرة، لو استمر الوضع على ده هرجعلكم انتوا عاوزين تكملوا كورة في المناخ ده لو انتوا عاوزين أنا برة".

طالع أيضًا:

مرتضى منصور: ممدوح عيد رفض طلب الزمالك علشان خايف على زعل الأهلي