أكد عدلي القيعي مستشار التعاقدات بالنادي الأهلي أنه رشح من قبل مصطفى شلبي لاعب نادي إنبي الحالي للانضمام إلى القلعة الحمراء.وقال القيعي في تصريحات تلفزيونية أمس عبر شاشة أون تايم "اوقات بتكون قدامك حاجات ومواهب بتجيلك لحد عندك، دلوقتي بباصيها لحد تاني لكن قبل كدة كنت انا الي بخلصها".واضاف "في الوقت ده بكون لازم اباصيها ولكن مش بتابعها، الأول مكنتش بسكت غير لما أخلصها واتعاقد مع المواهب دي".وواصل القيعي "مثلا مصطفى شلبي لاعب نادي إنبي حد رشحه ليا أوقات ما كان بيلعب في السويس، ولما شوفته موسمين كان لاعب مميز جدًا".متابعًا "رشحت مصطفى شلبي بالفعل للانضمام للأهلي ولكن الأولويات في الأهلي كانت مختلفة في الوقت ده، مازالت الناس بتكلمني على مواهب لكن انا خلاص بتمنى محدش منهم يكلمني في حاجة تاني ويخلوني مركز في الإعلام".