كرر وائل جمعة أسطورة النادي الأهلي تصريحاته التي هاجم فيها موسيماني خلال استوديو بي ان سبورتس عقب تأهل الأهلي على حساب الرجاء بنصف نهائي دوري أبطال أفريقيا.

ودون وائل جمعة عبر حساباته الرسمية على مواقع التواصل الاجتماعي:" الأهلي يقدر يحقق ارقام افضل من اللي عملها موسيماني مع اي مدرب اخر لانه عنده لاعيبه على مستوى عالي؛ لكن مش معني كده اني اتمنى الأهلي يخسر عشان موسيماني يمشي، موسيماني لو فاز ببطولة أفريقيا للمرة الثالثة أتمنى يجدد طموحه مع فريق آخر".

وتابع جمعة تصريحاته الذي وصفها بانها توضيح: "وفاق سطيف اخرج عملاق افريقي وهو الترجي, الأهلي بيعرف يحترم منافسيه بشكل جيد اهم شيء موسيماني يظبط اموره مع الأهلي لأننا نستحق اداء احسن من كده؛ الرجاء مش النسخة الافضل لكن موسيماني محسسنا ان الأهلي فريق صغير".

وأضاف اسطورة الأهلي: "عندنا لاعيبه كويسة  2 منهم مهاجمين قاعدين على الدكة ، لو مفيش لاعيبه كويسة في الأهلي هقولك انا عاوز نتيجة بس، الأهلي مش فريق ضعيف, ادارة الأهلي ساكتة عشان موسيماني بيكسب بس".

واختتم جمعة توضيحه: "الشحات كان افضل لاعب وخرج. تغيير منعم عمل لخبطة، انا مشوفتش موسيماني طور اداء فردي للاعب من بداية تعاقده مع الأهلي، مش عاوز الأهلي يخسر عشان موسيماني يمشي لا طبعا".