خرج عامر حسين، عضو الاتحاد المصري لكرة القدم بتصريحات نارية تعقيبًا على العقوبات الصادرة من الاتحاد الإفريقي للعبة، بشأن أحداث مباراة مصر والمغرب.

وكان الكاف قد أصدر عدة عقوبات في ساعة مبكرة من صباح اليوم تعقيبًا على أحداث مباراة مصر والمغرب في كأس الأمم الإفريقية، ومن بينها إيقاف مروان داوود، لاعب المنتخب مباراتين.

وقال عامر حسين في تصريحات عبر إذاعة ميجا اف ام: "سنطعن على القرارات الصادرة. إجمالي الغرامات 80 ألف دولار واجبة التنفيذ، وفور وصول هذه العقوبات بشكل رسمي سنرسلها للشئون القانونية، ونقوم بالإجراءات اللازمة".

وأضاف:" (الضغط اللي اتعمل من الإعلام بعد المباراة على طول جاب نتيجة، وبعدوا عن اللاعيبة اللي ممكن تلعب، اختاروا لاعب من اللاعيبة اللي مبتلعبش عشان يبقى كبش فداء، بجانب بعض العقوبات المالية اللي ممكن بعد كده نطعن فيها) ".

وتابع:" (مروان داوود كبش فداء طبعًا، إحنا عارفين إن فيه لاعيبة تانية كانوا داخلين في الموضوع، ولكن بعد الضغط والهجوم... وكويس إنها جت مع الكاميرون. الحاجات اللي عملتها في الدورة وأزمات المسحات...) ".

وأكمل:" (نشكر الإعلام اللي كان ليه دور إيجابي جدًا.. أي مسئول لما يلاقي ضغط كده بيراجع نفسه 100 مرة، غير لما يلاقوا حد بيسكت فبيقولوا دول ناس مستكينة وبيكملوا اللي في دماغهم) ".

وأتم عامر حسين قائلًا:" (مروان داوود كبش ؟؟ أصل الراجل ده مش هيتخانق لوحده، ولكن الموضوع مشي توازنات.. فقالوا يبقى فيه عقوبات بس ميجيش جنب اللاعيبة اللي بتلعب، ودي حاجة إيجابية، وأتمنى الاعلام يبقى على طول مع المنتخب) ".