تحدث محمد صلاح نجم نادي ليفربول الإنجليزي ومنتخب مصر عن علاقته بالألماني يورجن كلوب المدير الفني للريدز.

وقال صلاح في تصريحات عبر برنامج الحكاية "علاقتي بيورجن كلوب كويسة، من اول يوم ليا في ليفربول يبحاول يطلع احسن حاجة عندي وانا بحاول اطلع افضل حاجة عندي له وللنادي".

وتابع "علاقتنا كويسة بيسودها الاحتراف، طبيعي بنختلف، الناس كلها بتختلف لان احنا شخصين تفكيرنا غير بعض، بنتفق كتير بس مفيش اتفاق 100% او اختلاف 100% ".

وأضاف "بختلف معاه في اني عاوز العب طول المباراة، لكن طبيعة مدرب عاوز تريح اللاعبين عندك علشان ماتشات كتير، بس بنوصل لحلول وسط".

وواصل صلاح "مسموح ليا اتكلم واساله ليه مش بلعب، علاقتنا بقالها 5 سنين وبقدر اساله ليه ملعبتش المباراة دي وليه خرجت في الوقت ده".

وأردف "هو بيشد في اوضة اللبس لما بيحس ان اللعيبة مريحة وواثقة في مباراة أكثر من اللازم، لكن هو في المجمل بيعرف يدير الحوار كويس مع اللاعبين في اوضة اللبس".

واختتم تصريحاته "مقدرش اقول ان في معاملة خاصة من كلوب ليا عن باقي اللاعبين، علاقتي بيه جيدة وعلاقته بباقي اللاعبين جيدة برضه".