منح مصطفى شوبير حارس مرمى النادي الاهلي درسًا للبعض في كيفية التعامل مع هجوم وتجاوز جماهير النادي المنافس.وقال شوبير في تصريحات عبر برنامج الماتش "جمهور الزمالك هاجم الشناوي قبل بداية المباراة وشتموني اول ما نزلت الملعب من غير ما اعمل حاجة".وتابع "الجمهور شتمني وانا كنت فاصل ومركز علشان ممكن في اي لحظة اشارك مثلا قبل ما يتم استبعادي من القائمة بشكل كامل".وأضاف "مكنش في مبرر لهجوم الجماهير عليا بس ممكن يكون حماس زيادة، ولكن بعد الخسارة كانوا محبطين وكانوا ساكتين خالص، كان ممكن اطلع الموبايل واقول انتوا سكتوا ليه وارد على شتيمتهم ليا".وواصل "لو كنت عملت كدة كنت هبقى رد فعل، لان ده مبرر بيطلع دلوقتي من البعض في ردهم على التجاوز ضدهم ولكن انا هستفيد ايه برضه لو عملت كدة؟"