تحدث الإعلامي أحمد شوبير عن نجله مصطفى حارس مرمى الفريق الأول لكرة القدم بالنادي الأهلي وتفاصيل عروض رحيله في الفترة الماضية.

وقال شوبير في تصريحات تلفزيونية أمس الأحد "مفيش واحد هيلعب في الأهلي تحت 13 سنة علشان ابوه حتى رئيس وزراء مصر، ما بالك بقى لما يكون في الفريق الأول ويبقى في منتخب الشباب والمنتخب الأولمبي وياخد بطولات مع الأهلي في فرق الشباب وكله بيشيد بيه".

وتابع "مصطفى أنا مش قلقان عليه خالص لان له شخصيته المنفصلة واسلوبه في الملعب وبرة الملعب، هو مختلف عني تمامًا، انا شايف انه افضل مني وعمري ما رحتله ماتش اتفرج عليه".

وأضاف "جاله الموسم ده عرضين ومنهم عرض من نادي متفق على كل حاجة، ولأول مرة هحكي موقف حصل مع موسيماني".

وأردف "موسيماني قابلني من 4 شهور تقريبا قالي مش قادر اقول على مصطفى حاجة غير انه موهبة بس هو لازم يلعب، والأفضل ياخد فرصة، قولتله هو جاله عروض والأهلي رفض، موسيماني قالي دي بتاعتي المرة دي".

وواصل شوبير "في الانتقالات الي فاتت جاله عرضين منهم عرض قوي، كنت مع محمود الخطيب قولتله الولد عنده عرض كذا قالي انا كنت مع موسيماني وقالي مش همشي حد بس هسأله وارجعلك".

وأختتم شوبير تصريحاته "أمير توفيق كلمني وقالي الراجل رافض تماما ان مصطفى يمشي، قولت تمام ومتكلمتش، مصطفى نفسه كان عاوز يخرج اعارة ويلعب زيه زي محمد صبحي وزمايله لكن بمجرد ما الأهلي قال لا خلاص قعد".