تحدث وليد سليمان لاعب الفريق الأول لكرة بالنادي الأهلي عن صعوبة مواجهة نهضة بركان رغم الفوز بلقب السوبر الإفريقي للمرة السابعة في تاريخ القلعة الحمراء.
وكان النادي الأهلي قد تُوج بلقب كأس السوبر الإفريقي بعد الفوز على نهضة بركان المغربي بهدفين دون رد في المباراة التي جرت على ملعب جاسم بن حمد في العاصمة القطرية الدوحة.
وقال سليمان في تصريحات تلفزيونية عبر قناة "الأهلي": ببارك للعيبة اللي دايماٌ رجالة وعندهم إنكار ذات للفرقة وبتحب النادي وبضحي علشانه بقولهم نفرح النهاردة ومن بكرة نقفل على نفسنا علشان عندنا حاجات كتير جداٌ الفترة الجاية، اللي بيلعب ف النادي الاهلي بيدفع ضريبة أن كل بطولة بتعدي بيقفلها ويفكر في اللي بعدها".
وعن لقطةالتتويج مع الخطيب قال سليمان:" مش عاوز أقول ده تكريم لأن الكابتن يستاهل أكتر من كده بكتير، دايماٌ معانا وبيساندنا في كل حتة وفي كل سفرية معانا كنا نتمني نعمله حاجة أكبر بس ده اللي في أيدينا لأنه رمز لينا وحاجة كبيرة جداٌ بنسبالنا واللعيبة كلها بتحبه".
واختتم:" شرف ليا أكون موجود ف النادي اللي من وأنا صغير بشجعة وتمنيت إبقى موجود فيه، الحمد لله أنة حققلي أمنيتي وموجود في الكيان العيظم ده وجزء من تاريخ النادي، بشكر كل المسئولين على مدار السنين اللي قضيتها في النادي وجمهور الأهلي اللي دايما داعم ليا".