اعترف أحمد حسام ميدو عبر منصة التواصل الاجتماعي بمهاجمته للزمالك وإظهار الجوانب السلبية حتى يقوم بعد ذلك بمهاجمة الأهلي بدون أي أزمات.
وقال ميدو: "كل كلمة بتقولها ضد الأهلي بيضغطوا يحاولوا يسحبوا الإعلانات من برنامجك وحصل مع أمثلة كتيرة ونماذج كتيرة، أنا كنت فاطن كويس للنقطة دي قبل ما اشتغل وابتديت اشتغل ان لو فيه حاجة سلبية في الزمالك أول واحد هاتكلم عليها".
وأضاف ميدو: "اللي حصل كل المحاولات انهم يحرقوني فشلوا فيها، فالنهارده لما أقول حاجة سلبية جوه الأهلي ما يقدروش يفتحوا بقهم ما يقدروش يتكلموا".
وتابع ميدو: "لازم تفرقوا بين حاجة مهمة جدا فيه فرق بين واحد اعلامي شغال في قناة بيبيع باكدج كل البرامج بتبيع مع بعض وفيه فرق بين انك تقوم برنامج في قناة بتبيع لوحدك، يا تاخد قرار ما تشتغل في الإعلام، لو اشتغلت ما لكش وسيلة للنجاح إلا بالطريقة دي وكنت عارف ان فيه زملكاوية هيزعلوا مني ان اشتغل بالتون ده والرتم ده".
وأوضح ميدو: "مين الإعلامي الزملكاوي الوحيد اللي بيتكلم عن أي حاجة جوه الأهلي ومحدش يقدر يشكك في كلمته وبتوجعهم؟ أنا بس مفيش حد تاني يقدر، لأنهم قدروا بذكائهم وقوتهم أنهم يحرقوا أي حد زملكاوي يشتغل في الميديا".
حديث ميدو اعتراف صريح وواضح باستخدام منصته لأغراضه الشخصية دون أي مهنية إعلامية خاصة أنه يعمل بقناة محايدة وليست قناة فئوية.