تحدث اللواء محمد شريف محافظ الإسكندرية عن موقف مباراة نهائي دوري ابطال افريقيا من الإقامة على ملعب برج العرب بالإسكندرية.
وتقام مباراة نهائي دوري الابطال مساء يوم 27 من شهر نوفمبر الجاري على ملعب برج العرب بين الأهلي والزمالك.
وقال شريف في تصريحات عبر برنامج حضرة المواطن على شاشة الحدث اليوم "الكلام عن ان المباراة تتأجل أو لا مينفعش يتقال دلوقتي، لازم أنسق مع الأرصاد الجوية أولًا".
وتابع "لو الأرصاد قالتلي بكرة الصبح هيبقى في أمطار غزيرة هعطل المدارس، ولو هعطل المدارس هيكون أولى برضه إنه يتم نقل المباراة لمكان تاني".
واستكمل شريف "صعب جدًا التنبؤ بالموقف يوم 27، لازم يكون في غيوم ومؤشرات بتقول ان الجو هيكون غير مستقر، كل ده هيكون بالتنسيق مع الأرصاد الجوية".
وأختتم محافظ الإسكندرية تصريحاته قائلًا "قبل النوة بـ 3 أو 4 ساعات بتيجي رياح تاخد الغيوم دي وتضربها في البحر وتحصل النوة، مينفعش أقول دلوقتي الماتش هيتلعب ولا لا".