شن إكرامي الشحات حارس مرمى الأهلي ومنتخب مصر السابق هجومًا على فاروق جعفر نجم نادي الزمالك السابق بسبب تصريحاته الأخيرة عن التحكيم الافريقي.
وقال اكرامي لفاروق جعفر في تصريحات تلفزيونية عبر برنامج البريمو "ياريت تتكلم عن الي يخصك متتكلمش عن ناس تانية وأندية تانية، كلام زي ده طالع من واحد المفروض انه كابتن الزمالك ومنتخب مصر، الي اتقال ده بيسيء لنادي الزمالك في المقام الأول".
وأضاف "فاروق لما حس انه غلط في الزمالك قام مدخل باقي الأندية ومنتخب مصر في الكلام، انا كنت كابتن الأهلي وعمري ما أتكلمت أو قعدت مع حكم، اللاعب عمره ما قعد في الاجتماع الفني".
وتابع "ما قاله فاروق جعفر سقطة ويسيء له ولنادي الزمالك قبل أن يسيء لأحد آخر".
وأستكمل اكرامي "الموضوع ده مش هينتهي على خير والدول العربية والافريقية هتستغل الكلام ده والحكام هيتربصوا بالأندية المصرية في البطولات القارية".
وأختتم نجم الأهلي السابق "عارف لما تحس انك بقيت في الضل ومحدش حاسس بيك بتعمل فرقعة علشان الناس تتكلم عليك، لو عاوز تطلع في البرامج اطلع بشكل لائق".