طرح الإعلامي أحمد شوبير تساؤلا عبر إذاعة أون سبورت اف ام بعد إعلان الإتحاد الأفريقي لكرة القدم "كاف" عن البروتوكول الطبي من أجل استئناف المباريات المقبلة في البطولات الأفريقية المختلفة حول قيام الزمالك بعمل مسحات للاعبين.
وأوضح شوبير: "سؤال بسيط الإتحاد الأفريقي اللي عمل بروتوكول امبارح بيقولك انا راجع ببطولة أفريقيا قولي ولا تخبيش يا زين هتروح تلعب كيف في أفريقيا كيف راح تسافر أفريقيا كيف راح تتمرن قولي قوللي الله يخليك، ولا هندور عليهم عشان يعملوا المسحات ".
وتابع شوبير: " ما الإتحاد الأفريقي قالك اعمل مسحات، دي هتعملها وانت فرحان ومزقطط لكن لما أقولك اعمل مسحات عشان الدوري المصري، والله مش لاقينهم، نفس الأتوبيس ما هو هو نفس الوضع ما بيتغيرش نفس الموضوع مفيش تغيير لكن في الإتحاد الأفريقي، بص بقى يا سيدي، تمرين عينيه، طيارة عشان تسافر تلعب في المغرب حاضر، ولو وصلت النهائي حاضر الحاضر".
وأشار شوبير بأن الزمالك يرفض الخضوع للمسحات: "نفس قصة الأتوبيس ما بتتغيرش هو نفس المخرج المخرج صاحب الفيلم الهابط،هو هو ، ما بيتغيرش، فاكرين ماتش السوبر هتلعب مش رايح ومش هالعب ولما كسب قالك كنت عمل كمين".
يرفض نادي الزمالك خضوع لاعبيه للمسحة الأولى في إختبار فيروس كورونا حسب البروتوكول الطبي الذي اقرته وزارة الشباب والرياضة لإستئناف بطولة الدوري.