انتقد عمرو وردة لاعب نادي باوك اليوناني تداول الاعلام المصري لخبر استغناء نادي لاريسا عن خدماته وقطع إعارته في بيان مفاجئ منذ يومين.

وقال وردة في تصريحات لبرنامج البريمو أمس الأربعاء " ربنا موجود وهو الي يعلم كل شيء أفعله، اتقال عليا كلام كتير وقت أمم إفريقيا ومكنتش بتكلم، ولو كنت فعلت حاجة زي ما اتقال مكنش ربنا هيكرمني بعد البطولة".

وأضاف "بعد أمم افريقيا ربنا يكرمني وأحرزت 8 أهداف وصنعت 6 أهداف مع فريق صغير، والمنتخب يرغب في عودتي".

وأستكمل وردة "انا عاوز العب الكورة بتاعتي، انا مفيش مباراة واحدة لعبت فيها في مركزي مع المنتخب، أي حاجة يتقال فيها اسمي تبقى غير أخلاقية، رئيس نادي لاريسا دائمًا يشيد بي ويصفني في وسائل الاعلام بانني مارادونا اليونان".

وتابع اللاعب "في اشخاص بيحاربوني علشان مكونش موجود في المنتخب والموضوع واضح للجميع، في بطولة افريقيا قالوا اني متحرش ودي كلمة كبيرة، لو كان حصل كان زماني في السجن او عليا قضية وقتها".

وأردف وردة تصريحاته "انا مش بتاع تحرش والكلام ده الحمد لله، انا مولود في دبي ومدارس امريكاني وعايش في اليونان هتحرش ازاي؟، انا ماليش في الكلام ده".

وأختتم اللاعب تصريحاته "الموضوع كان قديم ومتفبرك وكل اللعيبة وقفت جمبي وقت أمم افريقيا، وبعدين ما كل واحد بيتكلم مع واحدة وكان الموضوع من 3 سنين ولما خسرنا في أمم افريقيا قالوا عمرو وردة وأفعاله هي السبب".