كشف صبري المنياوي مدير الكرة بنادي الإسماعيلي عن موقف لاعبي الفريق من أداء التدريبات والاستعداد لعودة النشاط الرياضي الموقوف بسبب انتشار فيروس كورونا المستجد.

وقال المنياوي في تصريحات تلفزيونية عبر قناة أون تايم سبورت صباح يوم الخميس "في برامج تدريبية اتبعتت لكل اللاعبين على الواتس آب يقدروا يعملوها كل يوم في البيت أو في أي حديقة بجوارهم".

وأضاف المنياوي "بيني وبينك احنا مش شايفين حاجة، بس اللاعب الي عاوز يستفيد هيعمل التدريبات، وارد في أي وقت يقولك الدوري هيرجع بعد 20 يوم مثلًا أو حاجة، بعتنا التدريبات للعيبة والي عاوز يشتغل ويستفيد هيعملها".

وتابع "فترة الراحة بين الموسمين بيتخللها بعض التدريبات لا يستطيع اللاعبين أداءها في الفترة الحالية، منتظرين قرار اتحاد الكرة والفيفا وأوروبا".

واستكمل المنياوي تصريحاته "أداء التدريبات متروك لضمير كل لاعب طبعًا، في غرامات على اللعيبة لو في زيادة في الوزن، لو جالي لاعب طالعله كرش مش هسيبه يعني وهطبق عليه اللائحة بالتأكيد".

وأردف "اللاعب لازم يبقى عارف مصلحته ومحافظ على صحته وعارف ويخلي باله من كدة لان دي شغلتهم".