رد فتحي مبروك رئيس قطاع الناشئين في النادي الأهلي على التصريحات الغريبة التي أطلقها مصطفى يونس حول طريقة اختيار اللاعبين للانضمام لقطاع الناشئين داخل القلعة الحمراء.

وخرج مصطفى يونس في تصريحات صحفية أمس السبت حول كيفية اختيار الناشئين وان الاعتماد لا يكون على أسباب فنية ولكن أسباب يترفع El-Ahly.comعن إعادة ذكرها.

وقال فتحي مبروك في تصريحات خاصة لـ El-Ahly.com"مش مهتم بتصريحاته تمامًا، تصريحاته دي مش جديدة عليه هو دايمًا ضد الأهلي، لازم يرجع لتاريخه ويعرف إن مينفعش ابن الأهلي يجرح في النادي بالشكل الخاطئ ده".

وأضاف "في قطاع الناشئين في الأهلي محدش بيقبض ومش بنضم لعيبة غير بالأساليب الفنية فقط، الأجهزة الفنية لها حرية اختيار اللاعبين المنضمين في أي فريق".

وأستكمل "ابن مصطفى يونس جه اختبارات فريق 2001 وتقييم المدير الفني ان اللاعبين الموجودين في الفريق أفضل منه، لماذا خرج الآن يهاجم قطاع الناشئين؟".

فتحي مبروك تابع تصريحاته قائلًا "الكلام الفاضي الي بيقوله ده مش بيحصل عندنا، احنا بنشتغل حبًا في النادي مش علشان مصالح شخصية، مصطفى لازم يحترم النادي الأهلي ويفتكر انه بيسئ للنادي الي كون نفسه واسمه منه".