وجه رئيس مجلس إدارة نادي الزمالك بعض الرسائل لمحمود عبد المنعم "كهربا" لاعب الفريق الأول لكرة القدم بالنادي الأبيض بعدما انقطع عن تدريبات الفريق خلال الفترة الماضية.

وخرج رئيس الزمالك يوضح مدى قانونية عقد كهربا في فيديو نشره عبر صفحته الرسمية على موقع يوتيوب وذلك بعدما أشارت بعض التقارير الصحفية في الأيام القليلة الماضية ان اللاعب تقدم بشكوى لاتحاد الكرة من أجل فسخ تعاقده مع نادي ميت عقبة.

وقال رئيس الزمالك "هو كهربا عاوز ايه؟، ده كسب من نادي الزمالك اكتر من 150 مليون جنيه بعد اعاراته في السعودية لنادي اتحاد جدة".

وأظهر رئيس النادي الأبيض عقد محمود عبد المنعم وعلق "ده عقد كهربا يا كداب، عقد موثق في اتحاد الكرة، وفاضله عندي 3 سنين لسة".

وأضاف في رسالته لكهربا "انت محدش كان يعرفك وانت في نادي انبي، نادي الزمالك اللي عمل اسمك، كان في اكتر من لاعب أحسن منك، أحمد رفعت أحسن منك".

وأتم رئيس الزمالك "انت معانا الـ 3 سنين، اتنطط زي ما انت عاوز والغرامات هتفضل شغالة، وأنا كلمت رئيس اتحاد الكرة عن اللي انت بتعمله، أنت مصيرك زي مصير لاعيبة كتير انتهوا علشان بتعض الايد اللي اتمدتلك".