كشف الإعلامي أحمد شوبير، تفاصيل أزمة نادي الزمالك مع لاعبه عبد الحميد معالي، المتعلقة بحكم يلزم النادي بسداد مبلغ مالي قدره 600 ألف دولار.
وقال شوبير، عبر إذاعة أون سبورت إف إم، إن الاستئناف على الحكم كان من المقرر أن ينتهي يوم 20 سبتمبر الجاري، مشيرًا إلى أن الزمالك تحرك لتقديم الاستئناف قبل الموعد المحدد.
وأوضح شوبير: «الزمالك كان عنده مشكلة مع عبد الحميد معالي في حكم بيلزم الزمالك بسداد 600 ألف دولار، وقالك الاستئناف يخلص 20 سبتمبر الجاري».
وأضاف: «الظاهر حد سخنهم لحقهم، نسيوا ولا حاجة وتبقى مصيبة لو ده حصل، وقرروا الاستئناف قبل 20 سبتمبر، لأن 600 ألف دولار دول وجع، وإلا يبقى في إيقاف تأديبي تاني».
وحذر شوبير إدارة الزمالك من الاكتفاء بالنتائج الحالية، مؤكدًا ضرورة التعامل مع الأزمات المالية والملفات الإدارية بشكل جذري.
وقال: «وعلى الزمالك ميركنش إنه بيكسب دلوقتي لأن القصة دي مش هتستمر، القصة دي لازم تتحل جذري».
وتابع متحدثًا عن ملف الديون والرخصة الإفريقية: «واللي اتعمل مع الزمالك في سداد ديون وعمل الرخصة الإفريقية، فأنا خلصت لك كل حاجتك وجاي تاني؟ أنا مش فاهم الدنيا ماشية إزاي في الزمالك».
واختتم شوبير حديثه بالتأكيد على ضرورة وجود نظام واضح في إدارة الملفات داخل النادي، قائلًا: «القصة مش إن الجمهور سخنان من هنا نروح نعمل ولم من هنا وخلص من هنا، مينفعش، خلي في سيستم واضح عشان القصة تبقى باينة».