انتقد عفت نصار، نجم الزمالك السابق، الأداء الفني لمنتخب مصر تحت قيادة حسام حسن، مؤكدًا أنه لا يرى بصمة واضحة للمدير الفني داخل الملعب، ومنحه تقييمًا متوسطًا.

وقال نصار، خلال ظهوره في بودكاست "مان تو مان": "تقييمي لحسام حسن 5 من 10، أنا بقيس المدرب بشغله في الملعب، عندي رتم بلعب فيه، وعندي صورة بشوفها".

وأضاف: "إحنا هتلاقي بطريقة معينة صلاح جاب جون، وإمام جاب جون، إنما إيه اللي أنت بتقدمه؟ فين التاكتيك والتيكنيك والصورة والرؤية والشكل؟".

وتابع: "أنا متأكد إن اللي عمله هيثم حسن في المباراة كان من نفسه، لأنه ده أسلوب لعبه، وكان المفروض حسام حسن يطلع يقول إنه لعبه بالشكل ده علشان ينقل الفريق من الحالة الدفاعية للهجومية، ويلعب على الأرض في ظل وجود أجسام كبيرة عند المنافس".

وواصل: "حتى المذيع قال لو قعدتوا عشر ساعات مفيش كرة هتيجي، وده اللي بتكلم عنه".

واختتم تصريحاته قائلًا: "أنا بعذر كابتن حسام لأنه معندوش خبرات على المستوى الدولي ولا دراسات في المجال، لكنه اكتسب خبرات من الدوري المصري خلال 19 سنة تدريب، وكان ناقص يحقق بطولات توصل به لمراحل أكبر".