تحدث عضو مجلس إدارة النادي الأهلي الكابتن سيد عبد الحفيظ عبر قناة إم بي سي مصر ٢ عن التحكيم المصري وما يحدث مع النادي الأهلي.
وقال سيد عبد الحفيظ:" بص في الأمتار الأخيرة، يعني حتة التحليلات الفنية أو الأرقام اللي بتحصل في المباريات أو غيره، يعني ده أمر ممكن يبقى في الاستوديوهات التحليلية، ممكن يبقى مقبول طبعًا. لكن في القرارات والتاريخ والنتائج والبطولات، خلاص، محدش بيفتكر حاجة يعني ممكن نبقى أوحش فرقة في العالم يا سيدي، لكن عندي ضربة جزاء، أو عندي حقوق لازم آخدها ولازم أحصل عليها".
وأضاف:" يعني اللي بيحصل طبعًا أو اللي حصل النهاردة تحديدًا، يعني دي حاجة معتقدش إن فيه حكم في العالم كان صومالي ولا من ألمانيا ولا من جزر ولا من أي بلد أوروبية هيقول إن ضربة الجزاء دي مش ضربة جزاء".
وأكمل :" مفيش واحد في العالم هيقول إنها مش ضربة جزاء غير محمود أبو الوفا أنا معرفش يعني القرار أو كان بيذاكر إيه في القانون معرفش خالص اطلاقًا يعني وبعدين معرفش هو مقرر علىا برده ولا اية يعني في الدور الأول هو اللي حكم يعني في ماتش أهلي وسيراميكا اللي كان في المرحلة الأولى، هو اللي حكم في استاد الجيش، والنهاردة هو اللي حكم يعني أنا مش فاهم برده الاختيار مبني على إيه".
وأردف :" هو انا معتقدش إن محمود وفا من السبعة أو الحكام الدوليين اللي موجودين يعني فـ الاختيارات نفسها يا إبراهيم اختيارات فيها شبهة يعني إنك تجيب مباراة الافتتاحية مثلًا الست فرق اللي بتنافسوا أو السبع فرق اللي طالعين بتنافسوا على اللقب، يعني المباراة الأولى للزمالك والمصري فبتجيب حكم دولي اللي هو كابتن محمد معروف وفي مباراة زي اللي بتنافسوا في الهبوط تجيب لهم أمين عمر مثلًا أو محمود بسيوني، أو ناس عندها خبرات، حتى لو مش موجودين في القائمة الدولية".
وأزاد :" في الكأس اللي من تلات أيام بتجيب محمود ناجي، النهاردة بتجيب محمود وفا. محمود وفا يعني إيه؟ المنطق اللي انت جايبه يعني إيه؟ القدرات اللي عملها الراجل أو إيه المباريات اللي عملها التاريخية الفضيعة بنت ستين في سبعين ضرب بيها الدنيا كلها فـ عشان تديله مباراة ما بين فرقتين أساسًا في الجدول ورا بعض على طول؟!! يعني الأهلي ترتيبه بينافس على اللقب وعايز يوصل للقب، واللي تحته على طول سيراميكا إيه يعني دي جات منين؟".