أثار الكابتن أيمن يونس، نجم الزمالك السابق، جدلًا واسعًا بعد تصريحاته القوية مع الإعلامي إبراهيم عبد الجواد على قناة أون تايم سبورت، حول الأنباء التي تشير إلى ترشيح الكابتن عبد الناصر محمد، مدير الكرة السابق بنادي إنبي، لتولي منصب مدير الكرة في نادي الزمالك.
وقال أيمن يونس:"الكابتن عبد الناصر محمد مرشح بشكل كبير جدا إنه يكون مدير الكرة وقادم في نادي الزمالك، رأيي؟ مش مصدق. مش مصدق إن ده ممكن يكون تفكير مسؤول جوه النادي."
وأضاف:"أنا هتكلم بصراحة… أنا زعلت لما كابتن أيمن الرمادي جه، رغم إنه راجل محترم جدًا وأنا أعرفه معرفة شخصية، لكن التوقيت كان صعب. إحنا مش ضد الناس دي، بالعكس وقفنا معاه لما دخل وقدم مهمته، بس في مرحلة الاختيار قلنا لأ… كان لازم حد من أولاد النادي اللي ملمّين."
وأكد يونس:"عبد الناصر؟ دي قاتلة… ييجي حد من خارج نادي الزمالك يمسك مدير كرة؟ أنا معرفش مين اللي بيفكر، أولاد نادي الزمالك كتير جدًا ومميزين، ومع كامل احترامي للكابتن عبد الناصر، اللي هو شخصية محترمة، بس المرحلة دي محتاجة حد فاهم يتعامل مع لعيبة الزمالك."
وطرح الكابتن أيمن عددًا من الأسماء القادرة على تولي المنصب، قائلًا:"عندي جمال حمزة، أبو العيلة، تامر عبد الحميد… لعيبة كتير لسه معتزلين، يقدروا يعملوا نظام وضوابط وانضباط يليق بالنادي، نادي الزمالك في مفترق طرق في علاقته بجمهوره."
وتابع:"اللي كسب كأس مصر مش النادي، دي كانت هدية من السماء بسبب ضغوط جمهور الزمالك اللي عملت موقف غير عادي، واللي جاي صعب، ومعتقدش إن الجمهور هيتقبل أي تهاون.