كشف خالد بيبو عن حقيقة مفاوضاته مع حارس الأهلي حمزة علاء وعن الأصوات التي كانت تنادي بعدم سفره للأولمبياد ورفض محمود الخطيب لتلك الفكرة.

وقال خالد بيبو في تصريحات في قناة الأهلي: "كان فيه مفاوضات مع كل اللاعيبة بس المشكلة إن الامور مش زي زمان انك تقعد مع لاعيب ويقولك تمضي على بياض مبقتش موجودة اصلا ، الامور بقت صعبة جدا".

وتابع: "مثلا حمزة علاء اللي كان عامله العقد الاولاني انا عشان كان في الناشئين ولما ابتدا يدخل في الفريق قعدت معاه وقلتله عاوزين نقعد نجدد، قالي وكيل بتاعي وشوية قالي والدي تعبان وجبته هو واخوه عشان نجدد".

وأضاف: "مرة جاب اخوه وتقريبا اتفقنا على كل حاجة بس هو قال مش همضي من غير ما يكون والدي موجود وفضلت سنة كاملة مستني ابوه يخف أو يظهر بس كان بيهرب طول الوقت لدرجة ان كان فيه اصوات كتيرة جدا ان حمزة ميروحش الاولمبياد بس كابتن الخطيب رفض".

وأكد بيبو أن الخطيب قال: "ده لاعب في النادي وحاول معاه مرة واتنين بس متحرمهوش من فرصة زي ده وهو طول السنة مش عارفين نقعد معاه بسبب والده وكان طول الوقت بيهرب ومش عارف اقعد معاه".