كشف والد لاعب الفريق الأول بالنادي الأهلي رامي ربيعة عن كواليس تجديد ابنه مع المارد الأحمر متمنيا أن تتم الأمور في إطار كبير من الاحترافية.
وقال مهيب عبد الهادي في برنامجه اللعيب عبر قناةMBC مصر: "النادي الأهلي طالب من رامي تحديد موقفه سواء بالتجديد أو بالاكتفاء بالفترة التي قضاها في الفريق لأن رامي تاريخ وانا معاصر رامي وهو لسه طالع من ايام ماكان منتخب شباب.
وتابع: "والده بعتلنا رسالة، والاعداد تواصل معاه مؤكدا: "رامي ابن النادي الأهلي مش ابني انا، احنا جددنا قبل كده 4 مرات، ومش عارف ليه الضغط بالشكل ده، والهجوم عليه وإحنا لسه بنتفاوض احنا ممكن نجدد مع الاهلي".
وتابع: "أتمنى نتفق مع الأهلي ولو حصل أي انفصال يبقى بكل روح رياضية لأن النادي الاهلي بيتنا وناس محترفة جدا، وغاليين علينا جدا، والكابتن الخطيب رمز كبير، ونتمنى ليه الخير، احنا منتظرين وبنتكلم مع الأهلي".
وكان صرح لاعب الأهلي الأسبق مصطفى عبده بأن رامي ربيعة أنهى اتفاقه مع فريق بيراميدز بشكل نهائي، وعلاقته بالنادي الأهلي انتهت مع الفريق.