دافع أحمد حسام ميدو عن نفسه وعن حازم إمام، وذلك بعد مهاجمة البعض الفترة الأخيرة لهما بسبب سوء النتائج الفترة الأخيرة والخروج من الكونفدرالية وابتعاده عن الدوري.وقال ميدو في تصريحات على قناة أون تايم سبورت: "الناس لازم تفهم مفيش بني آدم في مصر هيقبل إلا أن الموقف كان صعب جدا وأسهل حاجة كنت تدي ضهرك وتقول سيب الناس تغرق".وتابع: "مجلس الزمالك كان في مأزق ولجأ لنا وملقيناش أي حاجة خالص في قطاع الكرة واضطرينا نعمل أدوار مش بتاعتنا". وأضاف: "قطاع الكرة كان مناصب محطوطة وكل واحد شغال في حتة، لما ملقيناش قطاع كرة نزلنا اشتغلنا بإيدينا، لقينا فرقة مبنية غلط وعقود متفاوتة ولعيبة واخدة نسب من مستحقاتها أكبر من لعيبة تانية.وأكمل: "الحال اللي كان عليه الفريق لو اتساب شهرين كمان الدنيا كانت هتبقى صعبة جدا، ونزلنا اشتغلنا بإيدينا في محاولة انقاذ ما يمكن انقاذة الناس فاكرة ان ميدو وحازم داخلين يهيمنوا على قطاع الكرة انا ولا حازم مش محتاجين شو ولا محتاجين ننبقى في مكان عشان الناس تتكلم علينا".