كشف أحمد فتوح، لاعب الفريق الأول لكرة القدم بنادي الزمالك، عن كواليس جديدة في مشواره داخل القلعة البيضاء، متحدثًا بصراحة عن أزمة تجديد عقده، ورحيل بعض نجوم الفريق، وفي مقدمتهم أحمد سيد زيزو، وإمام عاشور، مشيرًا إلى أنهم لم يلتزموا بتصريحاتهم السابقة حول البقاء في الزمالك.

وقال احمد فتوح في تصريحات خاصة عبر قناة "MBCمصر":"شرقي، وإمام عاشور، وزيزو.. كلهم قالوا مش هنلعب لغير الزمالك، وكلهم كذابين، ما التزموش بالكلام ده، وأنا كمان قلت كده قبل كده."

وتابع:"لو اتخيرت بين الأهلي وبيراميدز؟ مش عارف، وقتها هفكر وأقرر، لكن ده مش هيحصل لو الزمالك جدد معايا."

وأضاف"صُدمت من رحيل إمام أكتر من زيزو، لأنه كان عايز يرجع الزمالك، لكن النادي مقدرش يدفع 3 ملايين دولار لاستعادته، إمام كلمني وقال لي (هروح الأهلي)، قولت له: طالما الزمالك مش قادر يرجعك، يبقى القرار الصح إنك تروح للأهلي."

وواصل "إمام عاشور بيحب الظهور والتريند والمشاكسة، وده عكس شخصيتي تمامًا، أنا ما بحبش أظهر كتير، وعيبه إنه دايمًا بيدور على اللقطة. أما محمد صبحي، فعيبه الأساسي إن تفكيره محدود."

واوضح "ما بخافش من بنتايج، لأني بلعب في أكتر من مركز، جناح وظهير، والفريق ممكن يستفيد مننا احنا الاتنين،معلول لاعب كبير، بس أنا شايف إن إمكانياتي أعلى." 

واختتم "أوسوريو هو أكتر مدرب غير فكرتي عن الكورة، وجوميز كمان مدرب كبير، ولو درب الأهلي هيساعدهم جدًا، أنا اتعلمت منه كتير في تفاصيل صغيرة."