كشف الإعلامي أحمد شوبير، عن كواليس مهمة تتعلق بمستقبل المدير الفني البرتغالي جوزيه بيسيرو داخل نادي الزمالك، مشيرًا إلى أن المدرب لم يتلقَّ أي تواصل رسمي من إدارة النادي بخصوص تجديد تعاقده، رغم اقتراب نهاية الموسم

وقال شوبير خلال تصريحاته الإذاعية صباح اليوم:"مينفعش نطلع أخبار مالهاش أساس من الصحة. قرأت خبر إن بيسيرو مهدد بالطرد من الفندق اللي قاعد فيه عشان 200 ألف جنيه، وإن أحمد حسام ميدو تدخل... فسألت حد من المقربين منه، وأقسم إن ده ما حصلش".

وأضاف شوبير:"قولت فرصة أعرف مستقبله.. قالي محدش كلمنا من الزمالك، ولا حد قال هنجددله ولا لأ".

وتابع:"قولتله طيب بيسيرو عايز يكمل؟ قالي: عايز، بس عاوز لعيبة تساعده، ومنزعج جدًا من أزمة زيزو".

واختتم "بيقول فجأة ملقهوش، وهو شايف إن زيزو أهم لاعب في مصر مش في الزمالك بس، وكان معتمد عليه بشكل كبير".