كشف هيثم فاروق لاعب الزمالك الأسبق عن رأيه في الجدل المثار مؤخرا حول انتقال أحمد مصطفى زيزو نجم الفريق الأبيض لغريمه التقليدي المارد الأحمر.وقال هيثم فاروق في تصريحات عبر قناة "بي ان سبورت":"الزمالك طبعا محق انه استبعد زيزو ، جمهور الزمالك بيحب زيزو لأنه بيلعب في الزمالك مش بيحب الزمالك عشان بيلعب فيه زيزو".وتابع: "متقدرش تضمن رد فعل الجمهور ، جمهور الزمالك عايش على الكونفدرالية الزمالك دي بطولة مهمة جدا بترشحك للسوبر اللي قدرت تكسبه من الاهلي في السعودية ، القرار من الادارة سليم مليون في المية".وأضاف: "بيسيرو راجل برتغالي وبيطبق الاحتراف لكن احنا في مجتمع مفيهوش احتراف مجتمع بيفرغ الاندية من اللاعيبة ، زيزو اشتكى من جماهير الزمالك اللي هاجمته مرة ولا اتنين".وأكمل: "في نفس الوقت الجماهير التانية فضلت تهاجم زيزو طول السنين اللي فاتت نادي الزمالك سمح لزيزو يلعب في اولمبياد باريس بينما في اندية تانية مسمحتش للاعيبتها انها تروح".