أكد حازم إمام في تصريحات عبر أون سبورت أن لاعب نادي الزمالك أحمد سيد زيزو يشجع القلعة البيضاء وينتمي لهم.
وقال حازم إمام:"زيزو زملكاوي جدًا وشخصية محترمة جدًا وكنت بتكلم معاه علطول وهو طمني من كلامه أن هو بيفكر كويس وملهوش دعوة بالي بيحصل ومركز في حاجة ودماغه عجبتني، ومبسوط ومقدر الي عمله وحاسس بحب الناس والجمهور متمسك بيه وتلاقي كمية الاهتمام والحب الكبير انا حسيت ان هو مقدره ".
وأضاف:" اعتقد الموضوع هيكون خلص على اخر الاسبوع ومش هيطول، الأستاذ مصطفى زيزو ممكن الناس متبقاش عارفة ومتعصبة بس الراجل دة انا اتكلمت معاه والتجديدات الي فاتت هو سبب فيها وكان فيه عروض اكبر ولكن هو خلاه يعد عندنا وهو صعيدي جدع".
وتابع: " والد زيزو اتاخد عليه فكرة على الميديا وناس كتير اتكلمت وفلوس وعايز نسبة ولكن لا كان ممكن يعملها قبل كدة وهو مقدم كل حاجة قبل كدة وهو مش واقف في الموضوع وبشوف ناس كتير قالت زيزو في الحتة الفلانية ولكن انا متأكد هو ممضاش في اي حتة ومحدش ليه حاجة عنده ولو مضى كان قال مع السلامة."